Im Namen des 1. FC Kaiserslautern verurteilen wir die Beleidigungen und Bedrohungen von Mitarbeitern des FCK, die wir in den sozialen Netzwerken und auf anderen Wegen zur Kenntnis nehmen, auf das Schärfste und treten diesen mit aller Entschlossenheit entgegen.
Nachrichten, dies & das (Pressespiegel)
-
-
Aus der heutigen Sonntagsausgabe der Rheinpfalz:
Polit-Talk: Die Dannde Liesel un die Berliner
Von Michael Konrad
„Un Dannde Liesel, was saachscht du zu de neie Bundesminischter, wu em Scholzolaf sei Ampel die Woch so vorg’stellt hot?“
„Isch do die Klöcknern noch debei?“, froocht die Dannde Liesel.
„Ähm, nä, die scheid’t aus’m Kabinett aus“, saach ich.
„Un der Klää aus’m Saarland, wu uff schick macht un immer durch die Weltg’schicht scheest?“
„De Maas?“, frooch ich.
„Wann d’ määnscht“, saacht die Dannde Liesel.
„Nää, der isch in Zukunft wahrscheins ach nimmi debei“, saach ich. „Wubei mir uns in dere Kolumne nit iwwer Körperlichkeite auslossen, wann ich bitte derf.“
„Un der Dicke?“
„Jetzt mach awwer emol halblang, Dannde Liesel“, saach ich. „Un: Nä. Es gebt demneggscht ach en neie Wertschaftsminischter.“
„Was isch mit dem Seehofer?“
„Der isch ball weg vum Fenschder“, saach ich.
„Un der anner Simbel vun de CSU, wu, glaawich, Verkehrsminischter isch?“
„De Scheuer? Der werd dann ach uffheere“, saach ich.
„De Spahn?“
„Weg, Dannde Liesel!“
„Un was willscht du jetzt eichentlich vun mir?“
„Ich will wisse, was du vun de neie Bundesminischter haltscht, wu ...“
„Un die sinn wirklich all weg?“, froocht die Dannde Liesel.
„Ja-ha“, saach ich.
„Also, des langt mir fer de Aafang vollkomme.“
Wann Sie es saacht. Ich mään jo blooß.
